සංස්කෘතික පරිණාමයක් සහිත සමාජයක උපන්නානම් ලෝක පූජීත වන්නට සියලු ශඛ්යතාවන් අරා දරා සිටි, මර්සි එදිරිසිංහ නම් විශිෂ්ඨතම රංග ශිල්පිණිය භවයක සකළවිධ බැඳීම් හැර දැමුවාය. මේ විකෘති සමාජ ජංජාලයේ මිනිස්සුන්ට හිමි කල දසාව කවරේදැයි මේ ජනකාන්ත කලාකාරිය සිය ජීවිතයෙන් ඔප්පු කළාය. කවර ශඛ්යතා දරාගෙන කැපවුන ද මේ “පින් කෙත හෙළ රන් දෙරන“ සදහටම පුරන් වී ඇති බැව් දැන් ස්ඵූට ය. එය මර්සි වැනි විශිෂ්ඨ ශඛ්යතා සහිත ගැහැණීයක් අසරණ කොට මරා දමන්නට තරම් සැහැසිය.නිර්දය ය. අමානුෂිකය. තව දුරටත් මානුෂීය දේ මේ බිමට අරුචිය .අපුලය. එහෙයින් ඒවා ලත් තැනම ලොප් කරන්නට,බිජුවට පාගා මරා දමන්නට ක්ෂණීකව ඉදිරිපත් වේ.
මර්සි ට මෙසේ මිය යෑමට ඉඩ දීමෙන්,එවැනි ශඛ්යතා සහිත වෙනත් මිනිසුන්ට කරන තර්ජනය සුළු පටු නොවේ. වටහා ගත යුත්තේ,කොන්දේශී විරහිතව අරගල කළ යුත්තේ මේ විනාශයට එරෙහිවය.දේශපාලකයන් හා ඡන්ද දායකයන් පමණක් සිටියාම ඇති යැයි හිතන සමාජයක, සිටන්නේද දේශපාලකයන් හා ඡන්ද දායකයින් පමණී..සමහරු මර්සි කලා කාරියක් ලෙස හැදින්වුවද,ඇය ඡන්දදායිකාවකට වඩා වැඩි පියවරක් ඉදිරියට නොතබා භවගාමී වුයේ එහෙයිනි.
ඇයට නිවන් සුව ලැබේවා!!!
© ගාමිණී ඒකනායක
No comments:
Post a Comment