භාරත වර්ෂයේ අසම සම විශ්ව දායකත්වයන් අතර, භාරත මෑණීයන් විසින්ම සිය කුසෙහිම ජනිත කළා වූ මහා පුරුෂයන් අතර ආචාර්ය බී.ආර්.අම්බෙඩ්කාර් දෙවැනි වන්නේ ගෞතම බුදු රදුන්ට පමණී. ඒ ආචාර්ය අම්බෙඩ්කාර් ම පිළීගත් පරිදි,හෙතෙම බුදු කරුණාවෙන් හා ප්රඥාවේ මහිමයෙන් ආලෝකය වූ නිසාය.
භාරත වර්ෂයේ බොහෝ නූතන වීරයෝ බටහිර අධීරාජ්යවාදයේ සංකූලතාවන්හී ප්රතිඵලයෝ ය. ශ්රේෂ්ට මහත්මා,අසම සම නේතාජී,ප්රඥාවන්ත නේරූ, මහාමාන්ය තිලක්,ගුරු දේව තාගෝර් මාතෘ නායිදු යනාදී සකලවිධ චරිතයෝ ආක්රමණීක බටහිරයන්ට එරෙහි ව්යායාමයන්හී සඵලයෝ ය.
අම්බෙඩ්කාර් එයින් වෙනස්ව, සිය ජාතික ජාන ප්රතිවිරෝධතාව වූ කුල පීඩනයට එරෙහි අරගලය ජාතික නිදහස් අරගලය හා සමපාත කිරීමේ අති දුෂ්කර අනතුරුදායක ව්යායාමයේ සබුද්ධ ඵලයයි.
1891 අප්රෙල් 14 දින මධ්ය ම ඉන්දියාවේ උපත ලැබ 1965 දෙසැම්බර් 6 වැනිදා වයස අවුරුදු 65 දී ජීවිතය හළ මේ බෞද්ධයා නිදහස් ඉන්දියාවේ අධිකරණ ඇමතිවරයා පමණක් නොව,ලොව විශාලතම "ප්රජාතාන්තීක ජනරජ ව්යවස්ථාවේ" නිර්මාතෘද වෙයි.
අති සංකීර්ණ ප්රතිවිරෝධතා සහිත ඉන්දීය දේහය, අද දක්වා එහි ආධයාත්ම බලය රැකෙන්නට අම්බෙඩ්කර්ගේ ව්යවස්ථාව කෙතරම් පිටු බල වීදැයි දන්නෝ දනිති.
සමාජ හිතකාමී ධනේශ්වර ප්රතිශංස්කරණ සීමාව කවරේද,බෞද්ධ කමේ නූතන සමාජ කර්තව්ය කවරේද හා පුද්ගල අභිලාශය හා දේශපාලන කැපවීම මානුෂීය ව්යායාමයක් වූ කළ ප්රතිඵල කවරේදැයි නිරීක්ෂණය කරන්නෙකුට භාරත රත්න ආචාර්ය භීම්රාවෝ රාම්ජී අම්බෙඩ්කර් ගේ අක්ලිෂ්ට, විශිෂ්ට චරිතාපදානය අත් පොතක්ම වන්නේය.
---ගාමිණී ඒකනායක
No comments:
Post a Comment